A Secretaría Xeral de Modernización e Innovación Tecnolóxica e Movistar presentaron en Santiago de Compostela o Roadshow Movistar Galicia, unha aula móbil que percorrerá durante os próximos 3 meses 34 municipios galegos e cuxo obxectivo é achegar as vantaxes e utilidades de internet á poboación rural. As accións céntranse nos municipios aos que o Plan de Banda Larga da Xunta e Movistar xa posibilitaron a conexión á rede.